Возможности внедрения опыта развития предпринимательства Таиланда и Сингапура в Узбекистане

Аннотация

Ушбу мақолада Таиланд ва Сингапурда либерализация даврида тадбиркорликка берилган эътибор ва унинг асосий йўналишлари келтирилган. Мамлакатимизда тадбиркорликнинг бугунги кундаги ҳолати билан таққосланган ва муаммолар аниқланган. Таиланд ва Сингапур тажрибасидан келиб чиққан ҳолда муаммоларни ечиш бўйича таклифлар берилган. Аннотация. В этой статье рассматривается главные аспекты предпринимательской деятельности во время либерализации. Проведено сравнительный анализ с текущим положением предпринимательство в Узбекистане. Дано предложение для улучшение предпринимательство в Узбекистане. Annotation: This article discusses the main aspects of business activity during liberalization. A comparative analysis of the current state of entrepreneurship in Uzbekistan. Given the proposal to improve the business in Uzbekistan. Калит сўзлар: тадбиркорлик, ташқи иқтисодий фаолият, инфраструктура, инвестиция, экспорт. туризм, қишлоқ хўжалиги. Кириш Мамлакатимизда тадбиркорлик субъектларининг ташқи иқтисодий фаолиятида ечимини кутаётган муаммоларнинг мавжудлиги: - тадбиркорлик субъектларининг экспорт имкониятларини кенгайтириш; - валюта конвертацияси муаммоси; - тадбиркорлик субъектларининг ташқи иқтисодий фаолияти орқали шакллантирилган хорижий валюталарни давлатга сотиш фоизларининг мавжудлиги. Бундай муаммоларнинг мавжудлиги тўғрисидаги фикрларни Ўзбекистон Республикасининг Президенти Ш.Мирзиёевнинг “Тадбиркорлар билан бўлиб ўтган учрашувларда шахсан ўзим шунга қаттиқ ишонч ҳосил қилдимки, бундай саволларни беришга уларнинг тўлиқ ва қонуний ҳуқуқи бор. Бу ҳуқуқни улар турли маълумотнома, рухсатнома ва сертификатлар, кредит олишда неча кунлар навбатда туриш, ноқонуний текширувлар, бой берилган иқтисодий ва молиявий фойда ҳисобидан қўлга киритган”[7] орқали ҳам кўришимиз мумкин. - ҳали-ҳануз ишлаб чиқариш техника ва технологиясининг чет элдан олиб келиниши, ишлаб чиқариш техникасини ишлаб чиқарувчи заводларнинг мамлакатимизда мавжуд эмаслиги бизни хорижий мамлакатларнинг, хусусан, № 1, 2017 www.iqtisodiyot.uz 1 “Иқтисодиёт ва инновацион технологиялар” илмий электрон журнали. № 1, январь-февраль, 2017 йил ривожланиш йўли бизга яқин бўлган Таиланд ва Сингапур тажрибасини ўрганиш ва муаммонинг янги ечимларини излаб кўриш имконини берди. Мавзуга оид адабиётлар таҳлили Сингапур ва Таиланднинг тадбиркорликни ривожлантириш тажрибасини И.С. Целищевнинг “Восточная Азия: новая волна роста и структурная трансформация”[5] орқали ўрганиш мумкин. Ушбу қўлланмада Жанубий- Шарқий Осиёда жойлашган мамлакатларнинг иқтисодиётни ривожлантириш йўли, тадбиркорликнинг ривожланиш йўллари ва босқичлари келтирилган. А.С. Шрейдернинг “Формы и методы государственной поддержки малого и среднего бизнеса в республике Сингапур” [9] номли мақоласида Сингапурда тадбиркорликни қўллаб-қувватлаш бошқармаси ва асосий вазифалари тўғрисида сўз боради. Шунингдек, Ли Куан Ю.нинг “Сингапурская история: из "третьего мира" - в "первый" (1965 - 2000)”[6]номли китобида Сингапур тарихи ва маданияти, иқтисодий ривожланиш йўли, ислоҳотлар тизими, босқичлари ва ҳар бир босқичнинг ўзига хос томонлари келтирилган. Қўшни мамлакатлар билан сиёсий ва иқтисодий ҳамкорлигининг асосий аспектлари кўрсатилган. Сингапурнинг иқтисодий тарихини ўрганиш учун асосий қўлланма. Тадқиқот методологияси Мамлакатимизда тадбиркорлик субъектларининг ташқи иқтисодий фаолиятидаги муаммоларнинг ечиш йўлларини тортиш мақсадида Жанубий- Шарқий Осиё мамлакатларининг тадбиркорликни ривожлантириш ва уларнинг ташқи иқтисодий фаолиятини қўллаб-қувватлаш тажрибасини таҳлил қилдик, қиёслаш, анализ, синтез усуллари орқали уларни мамлакатимизда татбиқ қилиш йўналишларини келтирдик. Таҳлил ва натижалар Жанубий-Шарқий Осиёда жойлашган Таиланднинг иқтисодий ривожланиш йўли бизга жуда яқин, унда иқтисодиётни модернизация қилиш 50-йилларнинг бошларида аграр сектордан бошланган эди. Таиланд иқтисодиётни ривожлантиришнинг стратегик режасини ишлаб чиққан бўлиб, ҳар бир босқич ўзига хос йўналишга эга бўлди: 1-босқич -1961-1966 йилларни ўз ичига олиб, қишлоқ туманларини ривожлантириш, йўлларни яхшилаш, қишлоқ жойларини ичимлик суви ва электр энергия билан таъминлашга қаратилган эди; 2-боқич -1967-1971 йилларда давом этиб, деҳқон хўжаликларининг техник имкониятларини кенгайтиришга йўналтирилган эди; 3-босқич-1972-1976 йилларни ўз ичига олиб, бу даврда асосий эътибор қайта ишловчи саноатни ривожлантиришга қаратилган бўлиб, бу даврда Таиланд каучук экспорт қилиш бўйича учинчи, гуруч, шакар, тапиоки, соя, табакларнинг асосий етказиб берувчиси эди, шунингдек импорт чеклаб, экспортни ривожлантириш бўйича илк қонун қабул қилинган эди; 4 ва 5 – босқичлар -1977-1981, 1982-1986 - йилларда давом этиб, инфраструктурани ривожлантиришга, ишлаб чиқариш тармоқларини диверсификация қилишга, хорижий инвестициялар иштирокидаги № 1, 2017 www.iqtisodiyot.uz 2 “Иқтисодиёт ва инновацион технологиялар” илмий электрон журнали. № 1, январь-февраль, 2017 йил корхоналарни кўпайтиришни рағбатлантиришга эътибор қаратилган давр бўлди. Ўзбекистон ва