TIJORAT BANKLARIDA JISMONIY SHAXSLARGA XIZMAT TURLARINI JORIY ETISH AMALIYOTI VA RIVOJLANISH TENDENSIYALARI TAHLILI

Аннотация

Bugungi kunda tijorat banklarining faoliyati jismoniy shaxslar bilan samarali ishlashsiz tasavvur etib bo’lmaydi. Aholining moliyaviy xizmatlarga bo’lgan talabi ortib borayotgani sababli banklar o’z xizmat turlarini doimiy ravishda kengaytirishga intilmoqda. O’zbekiston bank tizimida jismoniy shaxslarga omonat qabul qilish, kredit ajratish, to’lov va hisob-kitob xizmatlari, valyuta amaliyotlari kabi an’anaviy xizmatlar bilan bir qatorda, raqamli bank xizmatlarini joriy etish ham faol rivojlanmoqda. Mazkur maqolada tijorat banklarida jismoniy shaxslarga ko’rsatilayotgan xizmatlarning amaliyotdagi holati, ularning rivojlanish tendensiyalari, zamonaviy texnologiyalar ta’siri va mijozlar ehtiyojlarini qondirishga qaratilgan yondashuvlar tahlil qilinadi. Tadqiqot natijalari bank xizmatlari sifatini oshirish, raqamli imkoniyatlardan keng foydalanish va bank-mijoz o’rtasidagi hamkorlikni mustahkamlash bo’yicha amaliy tavsiyalar ishlab chiqishga qaratilgan.