ХАРАКТЕРИСТИКИ ОБЕСПЕЧЕНИЯ КАЧЕСТВА СТРАХОВОГО ПРОДУКТА

Аннотация

Мақолада суғурта маҳсулотининг сифатини таъминлашнинг иқтисодий ва назарий асослари тадқиқ этилган. Унда истеъмолчилар томонидан суғурта маҳсулотларидан қониқиш ҳиссини шакллантириш, уларни маҳсулот сотиб олишга ундайдиган омиллар таҳлил қилинган. Шунингдек суғурта маҳсулотлари жозибадорлигини оширишнинг асосий ечим ва йўналишлари келтириб ўтилган. Калит сўзлар: суғурта, суғурта маҳсулоти, суғурталанувчи, суғурта турлари, суғурта хизмати. ХАРАКТЕРИСТИКИ ОБЕСПЕЧЕНИЯ КАЧЕСТВА СТРАХОВОГО ПРОДУКТА PhD Имомов Умид Ташкентский государственный экономический университет Аннотация. В статье рассмотрены экономические и теоретические основы обеспечения качества страхового продукта. В нем анализируются факторы, которые заставляют потребителей чувствовать себя удовлетворенными страховыми продуктами и побуждают их покупать продукты. Также упомянуты основные решения и направления повышения привлекательности страховых продуктов. Ключевые слова: страхование, страховой продукт, страхователь, виды страхования, страховая услуга. CHARACTERISTICS OF INSURANCE PRODUCT QUALITY ENSUREMENT PhD Imomov Umid Tashkent State University of Economics Annotation. The article discusses the economic and theoretical foundations of ensuring the quality of an insurance product. It analyzes the factors that make consumers feel satisfied with insurance products and motivate them to purchase the products. The main solutions and directions for increasing the attractiveness of insurance products are also mentioned. Keywords: insurance, insurance product, policyholder, types of insurance, insurance service. III SON - MART, 2024 287-229857 Iqtisodiy taraqqiyot va tahlil, 2024-yil, mart www.e-itt.uz Кириш. Суғурта маданиятининг паст даражаси шароитида юқори сифатли суғурта маҳсулотларини танлашни таъминлаш муҳим вазифа ҳисобланади. Ушбу мақсадга эришиш учун суғурта маҳсулотлари бозорни ўрганиш ва суғурта хизматларини сотишни рағбатлантириш асосида такомиллаштирилмоқда, бу эса «мақсадли» суғурта маҳсулотларини кенгайтиришни назарда тутади. Самарали ва мижозлар талабларини тўлақонли қондиришга йўналтирилган суғурта хизматлар бозорини шакллантириш суғурта маҳсулотларини таснифлашни назарда тутади. Суғурта маҳсулотларини таснифлаш мезонлари ва уларнинг турларини аниқлаш суғурта иши назариясининг асосий масалаларидан бири сифатида қаралади. Бу масаланинг тўғри йўлга қўйилмаганлиги суғурта бозорида бир қанча муаммоларни келтириб чиқариши табиийдир. Сўнгги йилларда олиб борилган тадқиқотлар хорижий ва маҳаллий олимлар суғурта бозори ва унинг суғурта маҳсулотларини ўрганишга катта ҳисса қўшиб келмоқда, бунда уларни соҳа, тармоқ, суғурталаш муддатлар ва амалга ошириш шакллари бўйича умумлашган стандартларни ишлаб чиқишга ҳаракат қилинмоқда. Лекин бунда энг асосийси суғурта маҳсулотини истеъмолчи томомнидан сотиб олиши ёки ундан қониқиш масаласи туради. Ҳозирги кунда суғурта компаниялари нафақат янги суғурталанувчиларни жалб қилишни балки борларини сақлаб қолиш учун ҳам фаол фаолият олиб боришмоқдалар. Тадқиқот методологияси. Мақолада суғурта бозорида сотиладиган ва айрибошлаш объекти бўлган суғурта маҳсулотини мижозларга таклиф этишинг назарий ва амалий асослари, суғурта маҳсулотларининг сифат кўрсаткичлари таҳлил қилинган, улар иқтисодий категория сифатида, таққослаш ва таҳлил қилиш, мантиқий фикрлаш, илмий абстракциялаш, индукция ва дедукция усулларидан кенг фойдаланилган ҳолда таҳлил қилинган. Адабиётлар шарҳи. Шербаков (2012) қўйидагиларни келтириб ўтади, суғурта хизмати – бу суғурталанган шахснинг суғурта ҳимоясига бўлган эҳтиёжини қондиришга қаратилган фаолият тури бўлиб, бунинг натижасида махсус (суғурта) маҳсулоти яратилади ва суғурта қилдирувчининг эҳтиёжларини аниқлаш, суғурта шартномаси амал қилиш давомида суғурта бўйича маслаҳат бериш ва тузилган шартнома бўйича суғурта компаниясининг сифатли қўллаб-қувватлашни ўз ичига олади. Михалева (2014) ўз тадқиқотларида қўйидагиларни таъкидлайди, яъни суғурта компанияси суғурталанувчига аниқ маҳсулот – суғурта хизматини таклиф қилади, унинг қиймати суғурта қопламаси шаклини оладиган суғурта ҳимоясини тақдим этишда ифодаланади. Суғурта маҳсулотини ҳисобга олган ҳолда, Ермасов ва Ермасовалар (2006) қуйидагиларни ажратиб кўрсатишни таклиф қилади: суғурта маҳсулотининг асосий элементлари бу суғурта суммалари, рисклар, тўлов шартлари, нарх, франшизалардан ташкил топадиган ядро; элементлари суғурта шартномаси бўлган қобиқ, суғурта қоидалари, суғурта ҳодисасини текшириш ва ҳал қилиш тартиби, сотувчиларнинг потенциал мижозларга маҳсулотни таклиф қилиш тартиби ва тури, сотувчиларнинг шартнома тузиш тартиби, рекламаларни қамраб олши. Бокарева (2012) бу борада қўйидагиларни таъкидлайди, янги суғурта маҳсулотини ишлаб чиқиш ва жорий этиш қиммат ва рискли бизнесдир. Суғурта маҳсулоти мижоз учун содда ва тушунарли бўлиши керак, шунинг учун суғурта ташкилотининг бутун жамоасининг иши суғуртанинг янги турини маълум истеъмолчилар гуруҳларига мослаштиришга қаратилган. Суғурта маҳсулотига қўйиладиган талабларни лойиҳалаш – бу су