YASHIL IQTISODIYOT: O‘ZBEKISTONDA YOSHLAR TADBIRKORLIGINI RIVOJLANTIRISHDAGI YANGI IMKONIYAT SIFATIDA

Аннотация

Ushbu maqolada yashil iqtisodiyot konsepsiyasining O‘zbekiston sharoitida yoshlarga yangi tadbirkorlik imkoniyatlarini qanday taqdim etayotgani tahlil qilinadi. Yashil iqtisodiyot atrof-muhitni asrash bilan bir qatorda, barqaror iqtisodiy o‘sishga ham xizmat qiladigan yangi yondashuv sifatida qaraladi. Tadqiqotda ekologik toza texnologiyalar, qayta tiklanuvchi energiya manbalari, chiqindisiz ishlab chiqarish va boshqa yo‘nalishlarda yoshlar uchun ochilayotgan imkoniyatlar, hukumat tomonidan yaratilayotgan sharoitlar va qo‘llab-quvvatlash dasturlari ko‘rib chiqiladi. Shuningdek, maqolada xalqaro tajribalarga tayangan holda, O‘zbekistonda yashil tadbirkorlikni rivojlantirish bo‘yicha tavsiyalar beriladi. Ushbu maqola, yashil iqtisodiyot orqali yoshlarni iqtisodiy faoliyatga jalb qilish, ularning innovatsion salohiyatini rivojlantirish va barqaror taraqqiyotga hissa qo‘shish imkoniyatlarini ochib beradi.