INTEGRATIV YONDASHUV ASOSIDA BO‘LAJAK KIMYO O‘QITUVCHILARINI TAYYORLASH METODIKASI (pedagogika oliy ta’lim muassasalari misolida)

Аннотация

Jahonda raqamli iqtisodiyot sharoitida ta’lim sifati va samaradorligini oshirish, integrativ yondashuv asosida bo‘lajak kimyo o‘qituvchilarining fanga oid kompetensiyalarini rivojlantirish mexanizmlari tatbiq etilmoqda. 2015 yil may oyida Koreyaning Incheon shahrida jahonning 160 dan ortiq davlatidan 1600 dan ortiq ishtirokchi qatnashgan Butunjahon forumida jahon miqyosida, ta’lim barqaror taraqqiyotni ta’minlovchi asosiy omil sifatida e’tirof etilib, 2030 yilgacha belgilangan xalqaro ta’lim konsepsiyasi, ya’ni «Ta’lim 2030» – Incheon Deklaratsiyasi qabul qilindi va “butun hayot davomida sifatli ta’lim olishga imkoniyat yaratish” dolzarb vazifa sifatida belgilandi. Uzluksiz ta’lim tizimida o‘qituvchilarning kasbiy faoliyatida metodik tayyorgarlik darajasini oshirish, ijodiy tafakkurini rivojlantirishga yo‘naltirilgan innovatsion texnologiyalardan foydalanishga katta e’tibor qaratilmoqda.