Moliya va kredit

Аннотация

Respublikamiz iqtisodiyotini bozor munosabatlari asosida modernizatsiya qilish va barqaror iqtisodiy o'sish sur'atlarini ta'minlash borasida ham chora-tadbirlar ko'rilmoqda, jumladan, pul-kredit, moliya-byudjet tizimining samarali amal qilishi va takomillashtirilishi bo'yicha so'nggi yillarda salmoqli ishlar amalga oshirilib, bu ijtimoiy-iqtisodiy barqarorlikni ta'minlashga xizmat qilmoqda. Moliya-byudjet va pul-kredit tizimini isloh qilishda jahon mamlakatlari tajribalaridan ham foydalanilmoqda. Mazkur jarayonlar va o'zgarishlar soha rivojlanish xususiyatlarini ilmiy-nazariy va amaliy o'rganishning ahamiyatini oshirmoqda. "Moliya va kredit" fanining ushbu dasturiga pul-kredit, moliya-byudjet tizimining amal qilish shart-sharoitlari, yo'nalishlari, davlat pul-kredit, moliya-byudjet siyosatining vosita va dastaklari, bozor sub'ektlari - davlat, korxona va uy xo'jaliklari o'rtasidagi moliyaviy munosabatlarning namoyon bo'lishi xususiyatlarini ochib beruvchi mavzular kiritilgan.