HIDOYA ASARI VA BURHONIDDIN MARG‘ILONIYNING ILMIY MEROSI

Аннотация

Islom huquqshunosligi (fiqh) islomiy ilmlar orasida eng murakkab va mufassal tarmoqlardan biri hisoblanadi. Hanafiy mazhabi doirasida yaratilgan yuksak asarlar orasida Burhoniddin Marg‘iloniy qalamiga mansub “Hidoya” asari alohida o‘rin tutadi. Bu asar islom fiqhidagi eng mashhur va ta’sirli fiqhiy manbalardan biri bo‘lib, muallifning ilmiy salohiyati, uslubi va ijodiy metodologiyasini o‘zida mujassam etgan. Burhoniddin Marg‘iloniyning hayoti va ilmiy merosi Burhoniddin Abu Hasan Ali ibn Abu Bakr ibn Abduljalil al-Farg‘oniy al-Marg‘iloniy 12-asrda yashab o‘tgan buyuk islom huquqshunosi va hanafiy mazhabi olimlaridan biri hisoblanadi. Unga “Marg‘iloniy” nisbasi Marg‘ilon shahridan ekani uchun nisbat berilgan. Uning aniq tug‘ilgan yili noma’lum bo‘lsa-da, 593 hijriy (1197 milodiy) yilda vafot etgani qayd etilgan. Marg‘iloniy o‘z davridagi yetuk fiqhshunos, mufassir va muhaddislaridan ta’lim olgan. Uning ustozlari orasida Shamsul a’imma Sarxasiyning shogirdlari bo‘lgan olimlar ham bor edi. Marg‘iloniy o‘z umrini asosan ilmga bag‘ishlagan. Uning mashhur asarlari orasida “Bidayatul mubtadiy”, “Kifoya”, va eng mashhuri “Al- Hidoya” asarlari bor. Bu asarlar islom fiqhi, xususan, hanafiy mazhabi qoidalarini mukammal tarzda bayon etgan manbalar sifatida e’tirof etilgan.