SUD TIBBIYOTI AMALIYOTIDA BAXSLI OTALIK VA ONALIK XOLATLARINI ANIQLASHNING DERMATOGLIFIK ALGORITMI

Аннотация

Qo‘l barmoqlarining dermatoglifik ko‘rsatkichlari asosida yaqin qarindoshlikni aniqlashni sud-tibbiy mezonlarini o‘rganish sud-tibbiyot amaliyotida qarindoshlik aloqalarini aniqlashning to‘gri va oson usullarini takomillashtirish zarurati bilan bog‘liq. Jahon amaliyotida genetik tahlillarga asoslangan usullar katta moliyaviy va vaqt xarajatlarini talab qiladi, shuning uchun genetik testlar imkonsiz yoki maqsadga muvofiq bo‘lmagan hollarda yordamchi yoki mustaqil usul sifatida ishlatilishi mumkin bo‘lgan dermatoglifika kabi qo‘shimcha yondashuvlarni ishlab chiqish dolzarb masala hisoblanadi (Smith J., 2020). AQSH va Yevropada dermatoglifika bir necha o‘n yillar davomida o‘rganilib kelmoqda va qo‘l barmoqlaridagi naqshlar va genetik markerlar o‘rtasidagi korrelyasion bog‘liqlikni tasdiqlovchi katta hajmdagi ma’lumotlar to‘plangan, bu o‘z navbatida oilaviy munosabatlarni o‘rnatish uchun ishlatilishi mumkin (Johnson M., 2019). Ushbu usul sud tibbiyotida shaxs identifikatsiyasi va irsiy kasalliklarni aniqlash uchun qo‘llaniladi, bu esa uni sud ekspertizasi sohasida istiqbolli qiladi (Allemann Y. et al., 2018).