Акциялар бозорини ривожлантириш истиқболлари

Аннотация

Мамлакатимиз корпоратив секторида фаолият юритаётган акциядорлик жамиятларида замонавий молиявий бошқарувнинг фундаментал ва амалий жиҳатларини такомиллаштириш корпоратив ошкораликни таъминлаш, корпоратив бошқарув механизмини самарали ташкил этиш, махаллий ва хорижий инвесторларни жалб қилишда инвестицион жозибадорликни ошириш, молиявий хисоботнинг халқаро стандартларини жорий этиш каби стратегик мақсадларга эришишда муҳим аҳамият касб этади. Бугунги жахонда юз бераётган геосиёсий муаммолар, ташқи иқтисодий муҳитнинг нобарқарорлиги ва прогноз қилишнинг мураккаблиги бошқа давлатлар сингари Ўзбекистонда ҳам мамлакатимиз акциядорлик жамиятлари фаолиятини ривожлантириш бўйича стратегияларини қайта кўриб чиқишни тақозо этмоқда. Айниқса, бу борада акциядорлик жамиятлари капиталини шакллантириш, улардан оқилона фойдаланиш, ишлаб чиқариш жараёнларини узлуксизлигини таъминлашда молиявий таъминот манбаларини диверсификациялаш, хусусан қимматли қоғозлар ёрдамида капитални жалб қилишга қилинган харажатлар миқдорини камайтириш кабилар муҳим ҳисобланади.