Faktoring xizmatlari bozorini rivojlantirish

Аннотация

Faktoring - bu eksportchilar va importchilar uchun eng qulay qarorlarni qabul qilishga imkon beruvchi moliyaviy-kredit xizmatidir. Bu, ayniqsa, kichik va o'rta korxonalar uchun moliyaviy va kredit operatsiyalarini osonlashtirishda muhim vosita hisoblanadi. Faktoring sotuvchi va xaridorlar uchun eng maqbul variantlardan foydalanishga imkon beruvchi moliya-kredit tavsifidagi xizmat sanaladi. Bu moliyaviy va kredit masalalari, xususan, kichik va o'rta firmalar uchun shartnomalarning to'lov shartlarini bajarish uchun muhim vositadir. Faktoring tijorat operatsiyalarini moliyalashtirishning juda moslashuvchan vositasi bo'lib, u ayniqsa kichik va o'rta korxonalar orasida keng qo'llaniladi. Ushbu operatsiyaning mohiyati shundaki, etkazib beruvchi o'z debitorlik qarzlarini bankka yoki bankdan tashqari kredit-moliya institutiga sotadi. Faktor deb ataluvchi kompaniyalar o'z mijozlariga keng ko'lamli, shu jumladan muddati o'tgan hisobvaraqlar bo'yicha "yomon" qarzlar va qarzlarni undirish xatarini o'z bo'yniga olgan holda xizmatlarni ko'rsatadi, ularning debitorlik qarzlarini qoplash borasida mablag' bilan ta’minlaydi. Inqiroz davrida ko'plab kichik va o'rta korxonalar an’anaviy bank moliyalashtirishdan foydalanishni to'xtatdilar, chunki ushbu korxonalar kreditorlar tomonidan yirik firmalarga nisbatan bankrotlik ehtimoli yuqori bo'lgan bozor subyektlari sifatida ko'rib chiqiladi va bu vaziyatda faktoring operatsiyalaridan foydalanish sezilarli iqtisodiy samara berdi [2].