МНОГОСЛОЙНАЯ ЕДИНАЯ ТАЙНА

Аннотация

This article provides detailed information about the life and creativity of Polat Tınıbaev the conductor of the Karakalpakstan music-instrument orchestra a pedagogue and a craftsman. Keywords: Music art, craft, orchestra, folk music, instruments, conductor, conservatory. МНОГОСЛОЙНАЯ ЕДИНАЯ ТАЙНА Аннотация. В данной статье представлена подробная информация о жезини и творчестве Полат Тыныбаев дирижор Каракалпакского музыкально- инстрментального оркестра, педагога и мастера. Ключевые слова: музыка искусство, ремесло, оркестр, народная музыка, инструменты, дирижор, консерватория. Bizge belgili hámme xalıqtıń hám millettiń ózine tán salt- dástúrleri úrip- ádetleri hám ózine tán muzıkaları bar bolıp esaplanadı. Muzıka bul adamzat payda bolǵannan baslap insannıń ańına hám qulaǵına sińıp ketken. Insan dúnyaǵa kelgennen baslap eń birinshi ana háyyiwin esitip ósedi. Bul háyyiwda muzıkanıń bir túrine kiredi. Qaraqalpaq muzıka mádeniyatınıń rawajlanıwına júdá kóplegen insanlar úles qosqan. Sol qatar da jas kórkem-óner qáneygesi P.Tınıbaevtıń da miyneti úlken bolıp esaplanadı. P.Tınıbaev 1981-jılı 8-avgust kúni Nókis qalasında ataqlı Tınıbay baqsı shańaraǵında dúnyaǵa keledi. Onıń ata- babaları óz dáwirinde Qaraqalpaq muzıka mádeniyatınıń rawajlanıwına 269 úlken úles qosqan elimiz bilgen hám elimiz tanıǵan baqsılardıń biri bolıp esaplanadı. Tınıbaevtıń shańaraǵında 9 tuwısqanlı bolǵan hám olar 4-qız hám 3 ulı Kishkene Polattıń barlıq ata-babaları hám tuwısqanları muzıkadan xabarı bar hám muzıka menen shuǵıllanıwshı insanlar bolǵanlıqtan Polat Tnıbaev jaslayınnan muzıka qorshawında ósedi. Ol jaslayınan muzıkaǵan júdá qızıǵıwshań bolǵan. P.Tınıbaev 1988-jıldan baslap Nókis qalası Maksim Gorkiy atındaǵı ulıwma orta bilim beriw mektebine birinshi klasqa baradı. Sol jıllardan baslap Polat birinshi muzıkalıq sabaqların ákesinen alıp baslaydı. Onıń eń birinshi ustazı bul óziniń ákesi bolıp esaplanadı. P.Tınıbaevtıń ákesinen eń birinshi úyrengen sáz-ásbabı bul qaraqalpaqtıń milliy ásbabı alamoynaq duwtar ásbabı bolǵan. Bıraq muzıkaǵa endi kirip kiyatırǵan jas balanıń duwtar áspábın elede tereńrek úyreniwine qarsı bolǵan ákesi onı 1988-jılı Nókis qalasındaǵı Esjan baqsı atındaǵı muzıka mektebine fortepiano klasına oqıwǵa beredi. Biraq fortepiano ásbabına qızıǵıwshılıǵı bolmaǵan jas talant iyesi fortepiano klasında oqıwın toqtatıp sol jılı yaǵınıy 1988-jılı akkardion sáz- ásbabına qızıǵadı hám ákesi Polattı akkardion ásbabına Keńesbay Abdullaev klasına oqıwǵa beredi. Solay etip Esjan baqsı atındaǵı muzıka mektebin 1996-jılı pitkerip shıǵadı. Biraq jas talant iyesi mektep dáwirlerinde tek ǵana bilim alıp júre bermesten óziniń ústinde tınımsız islep birneshe márte qaraqalpaqtıń milliy sáz- ásbabı alamoynaq duwtardı shertip tikkiley efirlerge qatnasqan. P.Tınıbaevtıń bunday jetiskenlikke erisiwinde óziniń ákesi hám birinshi ustazı Tınıbay baqsınıń miyneti úlken bolıp esaplanadı. 1996-jılı mektepte oqıwın pitkergennen kiyin 1996-2000 jıllar aralıǵında Japaq Shamuratov atındaǵı uchelishege házirgi Nókis qániygeletirilgen mádeniyat mektebine girjek sáz- ásbapına oqıwǵa tapsıradı. Hám A. X. Abdullaev klasında girjek shertiw sırların tereńnen úyrene baslaydı. Bul jerdi pitkergennen keyin 2000-jılı M. Ashrafiy atındaǵı Ózbekistan mámleketlik Konservatoriyasında Fagot sáz- ásbapında X. Kadirov klasında oqıp tálim aladı. Usı jerde Qaraqalpaqtıń erteden kiyatırǵan bir danalıq sózin aytıp ótsek orınlı dep oylayman, dóretiwshilik jolında ”Bir jigit mıń qırlı bir sırlı” degen naqıl xalqımız arasında biykarǵa aytılmaǵan eken. Yaǵınıy bizdiń qaharmanımız eń birinshi muzıka mektebine qádem qoyǵan waqtında birinshi fortepiano sáz-áspábında, onnan keyin okkardion, onnan keyin girjek al Konservatoriyaǵa oqıwǵa barǵan waqtında ulıwma ózgeshe sáz áspabı biraq demli ásbaplar túri bolǵan Fagot saz- ásbabında tálim alıwǵa qarar etedi. Konservatoriyada oqıw jas talant iyesine júdá kop qıyınshılıqlar keltirip shıǵaradı. 270 Biraq Tınıbaev bul qıyınshılıqlardı úlken sabırlılıq hám tınımsız miynetleri arqasında jeńip shıǵadı. P.Tınıbaev Muxtar Ashrafiy atındaǵı Ózbekstan Mámleketlik Konservatoriyasında 2000- 2004 jıllar aralıǵında fagot ásbabında oqıydı. Biraq 2004-jılı óziniń den sawlıǵına baylanıslı fagot ásbabında oqıwın dawam ettire almay Konservatoriyada 4 - kurs bolǵan waqtında oqıwın toqtatıwǵa májbúr boladı. Biraq Polat Tınıbaev oqıwın toqtatqanı menen ulıwma dóretiwshilik etiwden toqtap qalmaydı kerisinshe elede óz ústinde islep jetiskenliklerge erisiwge háreket etedi. 2006-2008- jıllar aralıǵında ol magistraturaǵa opera simfoniyalıq hám orkestr dirijorlıǵı qániygeligine Z.V.Xaqnazarov klasında bilim aladı. Bul jerde oqıp júrip P.I.Chaykovskiydıń nomer 6-simfoniyası haqqında disirtaciya jumısın jaqlaydı. Jas talant iyesi magistraturada oqıp júrip simfoniyalıq orkestrǵa fagot áspabın atqarıwshı sıpatında jumıs alıp baradı. Polat Tınıbaev Ózbekistan Mámleketlik Konservatoriyasın hám magistraturanı pitkergennen keyin kúshli talant iyesi bolǵanlıqtan ó