Истеъмол товарлари маркетинги тизимида товар сиёсатининг шаклланиши

Аннотация

Бугунги кунда ҳар бир корхона фаолиятида бозорга қандай товарлар олиб чиқиш ёки товарни қайси бозорда сотиш, сотиш жараёнларини такомиллаштириш ва савдо хизматлари маданиятини ошириш каби масалаларнинг оқилона ечимини топиш маркетингнинг асосий вазифалари ҳисобланади. Демак, республикамиз корхона ва ташкилотларининг экспорт салоҳиятини ошириши ҳамда жаҳон бозорида муносиб ўрин эгаллашида товар сиёсатини самарали ташкил этиш, уни шакллантириш йўналишларини аниқлаш ва такомиллаштириш муҳим аҳамиятга эга. Бунинг сабаби шундаки, замонавий рақобат нафақат мақсадли бозорни топиш, балки потенциал харидорларни аниқлаш, уларнинг хоҳиш ва талабларини қондириш, уларнинг шаклланиши ва кўламини орттириш борасидаги уринишлар билан ажралиб туради.