Microsoft Frontpage amaliy dasturida ishlash

Аннотация

“Microsoft FrontPage amaliy dasturida ishlash” bo’yicha o’quv qo’llanma iqtisodiy yo’nalishdagi oliy o’quv yurtlarining talabalari uchun ishlab chiqilgan bo’lib, unda ushbu amaliy dasturning asosiy imkoniyatlari, menyulari va buyruqlari batafsil yoritilgan. Bir qancha amaliy misol va masalalarni echish hamda tahlil qilish yordamida amaliy dasturda bajarila olishi mumkin bo’lgan ishlar tushuntirilgan. Ushbu amaliy dastur bilan tanish bo’lmagan yoki unda ishlash tajribasi bor insonlar uchun ham qo’llanmada keltirilgan ma’lumotlar foydali bo’lib, ularning malakasini yanada oshirish uchun xizmat qiladi. Microsoft FrontPage amaliy dasturida ishlash bo’yicha mavzularning ketma-ket berilishi va ma’nosi talabalarning o’rganilayotgan amaliy dastur bo’yicha chuqur va atroflicha nazariy hamda amaliy bilim olishlari nuqtai-nazaridan ishlab chiqilgan.