Ностационар тизимларни ташкилий бошқаришда тақсимланган реестр механизмлари асосида маълумотлар ишончлилигини ошириш усул ва алгоритмлари

Аннотация

Диссертация мавзусининг долзарблиги ва зарурати. Жаҳон тажрибаси шуни кўрсатадики, рақамли технологиялар асосида ижтимоий – иқтисодиёт тизимларни автоматлаштирилган ҳолда бошқаришни оптималлаштириш учун бошқариладиган тизим таркибидаги маълумотлар ишончлилигини оширишга тўғри келади. Ҳозирда маълумотлар оқими ўзгарувчан бўлганлиги сабабли компьютер тармоқларидаги ахборот тизимларини бошқарув моделлари асосида бошқариш ҳамда маълумотлар ишончлилигини оширишда тақсимланган реестрга асосланган блокчейн механизмларини қўллаш самарали усуллардан бири ҳисобланади. Шу сабабли, АҚШ, Буюк Британия, Германия, Франция, Италия, Испания Япония, Жанубий Кореа, Россия Федерацияси, Хитой, Хиндистон ва дунёнинг бошқа мамлакатларининг олимлари сақланаётган маълумотларнинг ишончлилигини таъминлашда тақсимланган реестрга асосланган блокчейн механизмларини қўллаш бўйича бир қанча тадқиқотлар олиб бормоқда. Бундай тадқиқотларда блокчейн технологиясини қўллаш асосан криптовалюта тизимларини ташкил қилиш ва пул айланишга асосланган бизнес – жараёнларини оптималлаштиришга қаратилган. Шу қаторда, бугуниги кунда компьютер тармоқларидаги электрон ҳужжат айланиш, логистика, электрон коммунал тўловлар каби бошқарув тизимларининг маълумотлари ишончлилигини ошириш учун тақсимланган реестр механизмларини қўллаш масалалари ўз ечимини етарли даражада топмаганлигини таъкидлаш мумкин.