BOSHLANG‘ICH TA’LIMDA RAVON O‘QISHNI TAKOMILLASHTIRISHDA MULTISENSORLI YONDASHUVLARNI INTEGRATSIYALASH

Аннотация

Ushbu maqolada o'rganishda qiyinchiliklar, disleksiya yoki nutqda qiyinchiliklar bo'lgan o'quvchilar bilan samarali ishlash usullari va boshlang'ich sinf o'quvchilarida ravon o'qishni yaxshilashda multisensorli yondashuvni tatbiq etish samaradorligi tahlil qilinadi. Bundan tashqari, inklyuziv ta'limga muhtoj o'quvchilar bilan inklyuziv va neyropsixologik asoslangan o'qish strategiyalarining bola psixikasiga ta'siri o'rganiladi. Boshlang‘ich sinf o‘quvchilariga inklyuziv va multisensorli usullarni qanday qo‘llash mumkinligi va bu usullar orqali o‘quvchilarning o‘qish va dunyoqarashida qanday o‘zgarishlar ro‘y berishi ko‘rib chiqiladi. Ko‘rgazmali qurollar yordamida o‘qish, ritmga asoslangan fonetik mashqlar, dramatizatsiya, interfaol hikoya qilish va raqamli texnologiyalardan foydalanish o‘quvchilarning ravon o‘qishga qanday ta’sir qilishi haqida keng yoritiladi. Nazariy va amaliy kuzatishlar asosida ko‘psensorli yondashuv o‘quvchilarning ravon o‘qish, talaffuz, intonatsiya va tushunishni yaxshilashi, shuningdek, o‘quv jarayoniga tezroq kirib borishi va moslashishiga yordam berishi isbotlangan. Kalit so'zlar: boshlang'ich ta'lim, ravon o'qish, interfaol usullar, multisensorli yondashuv, inklyuziv ta'lim, disleksiya, ta'lim texnologiyalari, interfaol usullar.