ILM YULDUZLARI HECH QACHON SO’NMAYDI

Аннотация

Ilm dargohi bamisoli poyonsiz va sarhadsiz koinotga o’xshaydi. U yerda yulduz ko’p, sayyora ko’p. Lekin shunday yulduzlar borki, ular taratayotgan nur yillar, hatto asrlar o’tsa ham aslo so’nmaydi. Balki, koinotning eng zulmatga cho’mgan nuqtalariga yetib borib, u yerlarni ham yorug’likka to’ldiradi. Zamonaviy o’zbek huquqshunosligining ustunlaridan biri bo’lgan, milliy sivilistikamizning “muzyorariga” aylangan, shogirdlari har doim yuzlarida tabassum, qalblarida faxr bilan xotirlaydigan, hayotining so’nggi damlarigacha yuridik institutga borishni astoydil istagan inson Ustoz Shoraxmetov Shoakbar Shorustamovich ham ana shunday yulduzlardan biri edi. Ularning yuduz kabi tarqatayotgan ilm nurlari bugungi kunga qadar yosh avlodni ko’zlarida, qalblarida, kasblariga bo’lgan sadoqatlarida, yangi bilimlarni egallashdagi tirishqoqliklarida o’z aksini ko’rsatib kelmoqda. Agar ilm koinotida yulduz bo‘lishning mohiyati bormi desalar, javob shubhasiz mana bunday bo’lar edi: "Ha, bunday insonlar – yorug‘lik taratuvchi yulduzlardir. Ularning nuri zamon chegarasidan o‘tib, kelajak avlodlarni ma’rifat yo‘liga boshlaydi".