XUSUSIY TASHUVCHILAR FAOLIYATINI RIVOJLANTIRISHI YO‘NALISHLARI

Аннотация

O‘zbekiston Respublikasida transport-logistika tizimining rivojlanishi iqtisodiy o‘sish va xalqaro savdo aloqalarini mustahkamlashda muhim omil hisoblanadi. So‘nggi yillarda avtomobil transporti xizmatlari bozorida xususiy tashuvchilarning faolligi sezilarli darajada oshdi, bu esa yuk tashish xizmatlariga bo‘lgan talabning ortishi bilan bog‘liq. Jahon banki tomonidan chop etilgan “Avtomobil transporti xizmatlarini isloh qilish” qo‘llanmasida transport xizmatlari iqtisodiyotning muhim sektori sifatida e’tirof etilgan bo‘lib, uning doimiy isloh qilinishi zarurligi ta’kidlangan. Ushbu maqola O‘zbekistonning transport-logistika salohiyatini oshirishda xususiy tashuvchilarning rolini, ularning xizmat sifatini yaxshilash yo‘llarini va logistika texnologiyalarining ta’sirini o‘rganishga bag‘ishlanadi. Tadqiqotning asosiy maqsadi – transport xizmatlari bozorida samaradorlikni oshirish uchun xususiy tashuvchilarni tanlashning optimal mezonlarini aniqlashdir.