SHAXS O‘Z IMKONIYATLARINI RO‘YOBGA CHIQARISH TUSHUNCHASINING PSIXOLOGIK TALQINI

Аннотация

Antik davrdan boshlab bir qator faylasuflar tomonidan shaxsning u yoki bu ko‘rinishdagi o‘z imkoniyatlarini ro‘yobga chiqarish tadqiq etilgan. Darhaqiqat aynan shu davrdan boshlab birinchi marta insonning dunyodagi o‘rni va unga ta’sir ko‘rsatish imkoniyatlari masalasi jiddiy darajada dolzarb ahamiyat kasb etib bormoqda. Shaxsning o‘z imkoniyatlarini ro‘yobga chiqarishiga qiziqish insonni o‘rab turgan dunyo - borliqni o‘rganish uning o‘ziga ko‘chirilishi bilan bog‘liq holda paydo bo‘ldi. Insonning ichki dunyosi, uning haqiqiy holatini izlash, shuningdek, uni ro‘yobga chiqarish imkoniyatlari faylasuflar uchun alohida ahamiyat kasb etdi. Shunday qilib, agar biz Suqrotning dialoglariga murojaat qilsak, uning insonni ichki mukammallikka erishishga intilishi kerak bo‘lgan mavjudot sifatida ko‘rishi haqida xulosa qilishimiz kerak [1]. Oxirgisi baxtga erishishning asosiy sharti bo‘lib, antik falsafada shaxsning o‘z imkoniyatlarini ro‘yobga chiqarishining poydevorini tashkil etgan.