INGLIZ VA O’ZBEK TILLARIDA FRAZEOLOGIZMLARNING NAZARIY TAVSIFI

Аннотация

Ushbu tezis ingliz va o‘zbek tillaridagi frazeologizmlarning nazariy tavsifi mavzusini qamrab oladi. Maqolada frazeologizm, uning tildagi o‘rni va funksiyalari, shuningdek, frazeologizmning o‘ziga xos xususiyatlari va turkumlari haqida batafsil ma’lumot berilgan. Frazeologizmlar tilning boyligini aks ettirib, madaniy, tarixiy va ijtimoiy qatlamlarni o‘zida mujassamlashtiradi. Ingliz va o‘zbek tillaridagi frazeologik birliklar o‘xshashliklar va farqlarga ega bo‘lib, ularning semantik, sintaktik va leksik jihatlari til va madaniyatning o‘ziga xos xususiyatlarini ko‘rsatadi. Tezisda frazeologizm turkumlari – idiomalar, maqollar va phrasal verb-lar kabi elementlar alohida tahlil qilinib, ularning har ikki tilda qanday ishlatilishi ko‘rsatilgan. Shuningdek, frazeologizmlarning nutqdagi rolini, ularning ifodaviy kuchini oshirishdagi ahamiyatini hamda tarjima jarayonidagi qiyinchiliklari ko‘rib chiqilgan. Tezis tilshunoslik va tarjima sohasidagi tadqiqotlar uchun muhim manba bo‘lib, ingliz va o‘zbek tillaridagi frazeologizmlarning o‘xshashliklari va farqlari haqida yanada chuqurroq tushuncha hosil qilishga yordam beradi.