МОДЕЛИ ДИВЕРСИФИКАЦИИ ТУРИСТИЧЕСКОГО РЫНКА

Аннотация

Мақолада туризм бозорини диверсификация қилишнинг турли хилдаги моделлари ва стратегиялари ўрганиб чиқилган. Жумладан, географик диверсифиация, бозор сегментацияси, маҳсулотни диверсификация қилиш, инфратузилмани ривожлантириш, технологик инновация, барқарор туризм, туризм бўйича ҳамкорлик масалалари, мавсумийлик ва йил давомида диверсификация, маркетинг стратегиялари, туристик пакетлар ва тармоқлар, гастрономик туризм билан ҳунармандчилик туризми диверсификацияси каби туризм бозори диверсификацияси моделларининг мазмун, моҳияти ва аҳамияти ёритиб ўтилган. Калит сўзлар: туризм, туризм бозори, диверсификация, модел, сегментация, инфратузилма, технологик инновация, мавсумийлик, маркетинг, туристик пакет, гастрономик туризм, ҳунармандчилик туризми. МОДЕЛИ ДИВЕРСИФИКАЦИИ ТУРИСТИЧЕСКОГО РЫНКА Бердикулова Ирода Самаркандский институт экономики и сервиса Аннотация. В статье рассматриваются различные модели и стратегии диверсификации туристического рынка. Включая географическую диверсификацию, сегментацию рынка, диверсификацию продуктов, развитие инфраструктуры, технологические инновации, устойчивый туризм, вопросы туристического сотрудничества, сезонность и круглогодичную диверсификацию, маркетинговые стратегии, туристические пакеты и сектора, диверсификацию туристического рынка за счет гастрономического туризма и ремесленного туризма. Выделены содержание, сущность и значение моделей. Ключевые слова: туризм, туристический рынок, диверсификация, модель, сегментация, инфраструктура, технологические инновации, сезонность, маркетинг, туристический пакет, гастрономический туризм, крафтовый туризм. MODELS OF DIVERSIFICATION OF THE TOURIST MARKET Berdikulova Iroda Samarkand Institute of Economics and Service Annotation. The article discusses various models and strategies for diversifying the tourism market. Including geographic diversification, market segmentation, product diversification, infrastructure development, technological innovation, sustainable tourism, tourism cooperation issues, seasonality and year-round diversification, marketing strategies, tourism packages and sectors, diversification of the tourism market through gastronomic tourism and craft tourism. the content, essence and significance of the models are highlighted. Key words: tourism, tourism market, diversification, model, segmentation, infrastructure, technological innovation, seasonality, marketing, tourist package, gastronomic tourism, craft tourism. 230 III SON - MART, 2024 230-235 Iqtisodiy taraqqiyot va tahlil, 2024-yil, mart www.e-itt.uz Кириш. Мамлакатимиз иқтисодиётида туризмни стратегик даражага кўтариш, ички туризм хизматларини диверсификация қилиш ва ҳажмини кескин кўпайтириш, фуқароларни мамлакатимизнинг туризм салоҳияти билан таништириш учун зарур шарт-шароитлар яратиш, тақдим этилаётган туризм хизматлари сифатини яхшилаш ва жаҳон бозорларида рақобатбардошлигини ошириш, туризм соҳасида фаолият юритаётган тадбиркорлик субъектлари учун қўшимча имкониятлар яратиш, замонавий хизматлар инфратузилмасини жадал ривожлантириш, шунингдек, аҳолини иш билан таъминлаш ва уларнинг даромад манбаини кенгайтириш ҳозирги куннинг долзарб масаласи бўлиб қолмоқда. Адабиётлар шарҳи. Туризм бозори ва унинг асосий йўналишларини ўрганар эканмиз, биз албатта яна мутахассис олимлар томонидан келтирилган турли қарашлар концепциясига тўхталиб ўтамиз. Жумладан, профессор Камилова (2005) туризм бозорига шундай таъриф беради: «Туризм бозори кенг маънода туристик махсулотни олди – сотди битимлари (турлар, алохида туризм хизматлари ёки туристлар учун моллар) бўлиб ўтадиган жойини билдиради».. Бунда шуни назарда тутиш керакки, кўрсатилган битимлар ҳар доим ҳам белгиланган жойда бўлиб ўтмайди. Масалан, туристларни қабул қилиш жойлари туроператорлар ёки меҳмонхоналарда бўлиб ўтиши ҳам мумкин. Булар сотувчи ва сотиб олувчиларнинг ўзлари бевосита иштирок этмаган ҳолда (мисол учун телекс, телеграмма, факс, телефон қўнғироғи ёки чек ёрдамида) ҳам амалга оширилиши мумкин. Чунки, бунда туристик бозор ҳудудий жиҳатидан аниқ белгиланмаган бўлади. Туризм бозорини сайёҳлик махсулотини сотувчи ва сотиб олувчилар, яъни сайёҳ, турагентлик, туроператорлар орасида иктисодий муносабатларнинг пайдо булиши ва сайёҳлик маҳсулотини сотиш соҳаси сифатида ҳам янада кенгрок таърифлаш мумкин. Яковлев (2005) ўзининг ўқув қўлланмасида туризм бозорига берган таърифида: «Туризм бозори – бу туристик маҳсулотнинг истеъмолчиси билан ишлаб чиқарувчиси ўртасидаги умумий иқтисодий муносабатларнинг маълум доирада пайдо бўлишини билдириб, унда туристик маҳсулотларнинг олди-сотди жараёнини ташкил қилиш учун талаб ва таклифнинг бирлашуви амалга ошади»,- деб таъриф беради. (Яковлев, 2005). Ушбу жараён орқали туристик хизматлар пулга айирбошланади ва аксинча. Ҳар бир туристик маҳсулот ишлаб чиқарувчи ва истеъмолчининг ўз қизиқишлари ва эҳтиёжлари бўлиб, ушбу қизиқишларнинг ёки эҳтиёжларнинг бир–бирига мос келиши оқибатида туристик маҳсулотларнинг олди-сотди жараёни амалга ошади. Шунинг учун ҳам бозор – бу ишлаб