Экспериментал мия инфарктида мия тўқимасидаги морфологик ўзгаришлар

Аннотация

Бутун дунё неврология фидерацияси ҳамжамиятининг маълумотига кўра, дунё бўйича ҳар йили 15 млн. одам инсульт касаллигига мубтало бўлади. Инсульт - бу бош мияда ўткир қон айланишининг бузилиши билан кечадиган нейродегенератив касаллик ҳисобланади. Энергетик етишмовчилик ва лактат-ацидоз ривожланиши натижасида нейродегенератив ўзгаришлар келиб чиқади. Қон оқими хажми пасайган сари ишемия ўчоғида ҳужайра апоптози ва некрози ривожланиб, бу жараён ишемик инфаркт деб аталиб, мия тўқимасининг структур қайтмас жараёни ҳисобланади. Аммо мия тўқимаси коллатерал томирлар орқали қон билан таминланади. Бу жараён инфаркт зонасидаги нейронларга иккиламчи таъсир кўрсатиб, патобиокимёвий каскад хосил қилади. Бу мия тўқимасига цитотоксик ва эксайтотоксик тасир кўрсатади. (Европейская Инициативная Группа по проблеме Инсульта Методические рекомендации Авторы: профессор Вернер Хаке (Гейдельберг, Германия), профессор Маркку Касте (Хельсинки, Финляндия), профессор Джулиен Богусславски (Лозанна, Швейцария), профессор Жан-Марк Оргогозо (Бордо, Франция), профессор Том Скайхой Ольсен (Копенгаген, Дания)).