+998 88 833 36 63

Аннотация

This article describes the concept of green economy and its importance for sustainable development. The strategy of transition to a green economy in the Republic of Uzbekistan, its main directions and implemented measures are analyzed. Priority tasks such as increasing energy efficiency in the country, developing renewable energy sources, adapting to climate change, and widely introducing environmentally safe technologies will also be discussed. It is emphasized that the green economy serves to reduce global threats and strengthen economic potential. Key words: green economy, sustainable development, energy efficiency, renewable energy, climate change, ecological security, strategy of Uzbekistan, economic diversification, saving resources. 106 YOSH OLIMLAR ILMIY-AMALIY KONFERENSIYASI in-academy.uz/index.php/yo O‘ZBEKISTONDA YASHIL IQTISODIYOT O‘TISHGA QARATILGAN ISLOHOTLAR Zokirjonov Yashnarbek Dilmurodjon o‘g‘li Jahon iqtisodiyoti va diplomatiya universiteti, Xalqaro iqtisodiyot va menejment fakulteti 1-bosqich talabasi Mr.Yashnarbek007@gmail.com +998 88 833 36 63 Annotatsiya: Ushbu maqolada yashil iqtisodiyot tushunchasi va uning barqaror rivojlanish uchun ahamiyati bayon etilgan. O‘zbekiston Respublikasida yashil iqtisodiyotga o‘tish strategiyasi, uning asosiy yo‘nalishlari va amalga oshirilayotgan chora-tadbirlar tahlil qilinadi. Shuningdek, mamlakatda energiya samaradorligini oshirish, qayta tiklanuvchi energiya manbalarini rivojlantirish, iqlim o‘zgarishiga moslashish, ekologik xavfsiz texnologiyalarni keng joriy etish kabi ustuvor vazifalar muhokama qilinadi. Yashil iqtisodiyot global tahdidlarni kamaytirishga va iqtisodiy salohiyatni mustahkamlashga xizmat qilishi ta’kidlanadi. Kalit so‘zlar: yashil iqtisodiyot, barqaror rivojlanish, energiya samaradorligi, qayta tiklanuvchi energiya, iqlim o‘zgarishi, ekologik xavfsizlik, O‘zbekiston strategiyasi, iqtisodiy diversifikatsiya, resurslarni tejash. Yashil iqtisodiyot bu ekologik xavflarni va ekologik tanqislikni kamaytirishga qaratilgan va atrof-muhitni buzmasdan barqaror rivojlanishni maqsad qilgan iqtisodiyot. U ekologik iqtisodiyot bilan chambarchas bog‘liq lekin ko‘proq siyosiy jihatdan qo‘llaniladigan yo‘nalishga ega. UNEP1 2011 Yashil Iqtisodiyot hisobotida ta’kidlanishicha, “yashil bo‘lishi uchum iqtisodiyot nafaqat samarali, balki adolatli bo‘lishi kerak. Adolatlilik global va mamlakat darajasidagi tenglik o‘lchovlarini tan olishni, xususan, past uglerodli, resurslarni tejaydigan va ijtimoiy jihatdan qamrab oluvchi iqtisodiyotga adolatli o‘tishni ta’minlashni nazarda tutadi. Mamlakatda tarkibiy o‘zgartirishlarni chuqurlashtirish, iqtisodiyotning ba’zaviy tarmoqlarini modernizatsiyalash va diversifikatsiyalash hamda hududlarni bir maromda ijtimoiy-iqtisodiy rivojlantirishga qaratilgan kompleks chora-tadbirlar amalga oshirilmoqda. 2019-2030 yillar davrida O‘zbekiston Respublikasining “yashil” iqtisodiyotga o‘tish strategiyasi tasdiqlandi va quyidagilar uni amalga oshirishning ustuvor yo‘nalishlari etib belgilandi: iqtisodiyotning bazaviy tarmoqlari energiya samaradorligini oshirish; energiya resurslari iste’molini diversifikatsiyalash va qayta tiklanuvchi energiya manbalaridan foydalanishni rivojlantirish; iqlim o‘zgarishi oqibatlariga moslashish va ularni yumshatish, tabiiy resurslardan foydalanish samaradorligini oshirish va tabiiy ekotizimlarni asrash; “yashil” iqtisodiyotni qo‘llab-quvvatlashning moliyaviy va nomoliyaviy mexanizmlarini ishlab chiqish; Strategiyani amalga oshirishning quyidagilarni nazarda tutuvchi maqsadli ko‘rsatkichlari tasdiqlandi: issiqxona gazlarining yalpi ichki mahsulot birligiga nisbatan solishtirma ajratmalarini 2010 yildagi darajadan 10 foizga qisqartirish; 107 YOSH OLIMLAR ILMIY-AMALIY KONFERENSIYASI in-academy.uz/index.php/yo ikki karra energiya samaradorligi ko‘rsatkichini oshirish va yalpi ichki mahsulot uglerod sarfi hajmini kamaytirish; qayta tiklanuvchi energiya manbalarini yanada rivojlantirish va ularning ulushini elektr energiyasini ishlab chiqarish umumiy hajmining 25 foizidan ko‘prog‘iga yetkazish; 100 foizgacha aholi va iqtisodiyot tarmoqlarini zamonaviy, arzon va ishonchli energiyadan foydalanish imkoniyati bilan ta’minlash; sanoat korxonalari infratuzilmasini modernizatsiyalash, energiya samaradorligini 20 foizdan kam bo‘lmagan miqdorga oshirish hamda sof va ekologik xavfsiz texnologiyalar va sanoat jarayonlaridan yanada keng foydalanish hisobiga ularning barqarorligini ta’minlash; energiya samaradorlik va ekologik jihatdan yaxshilangan tavsiflarga ega motor yoqilg‘isi va avtotransport vositalari ishlab chiqarishni hamda ulardan foydalanishni kengaytirish, shuningdek, elektr transportni rivojlantirish; iqtisodiyotning barcha tarmoqlarida suvdan foydalanish samaradorligini sezilarli darajada oshirish, 1 million gektargacha maydonda tomchilatib sug‘orish texnologiyasini joriy etish va ularda yetishtiriladigan ekinlar hosildorligini 20-40 foizgacha oshirish; yerlarning tanazzulga uchrashi bo‘yicha neytra