AKADEMIK JUMANAZAR BAZARBAEVNING PEDAGOGIK FAOLIYATIDA TA’LIM-TARBIYA ASOSLARI

Аннотация

Dissertatsiya mavzusining dolzarbligi va zarurati. Jahonda har qanday mamlakatning ma’naviy-madaniy, ijtimoiy-iqtisodiy yuksalishiga hamda ravnaqiga hissa qo‘shgan shaxslarning ijodiy va ilmiy merosini o‘rganishning ilm-fan va ta’lim taraqqiyoti uchun ahamiyati beqiyos ekanligi keng tarzda e’tirof qilinmoqda. Ayniqsa, ta’lim tizimining rivojlanish metodologiyasida pedagogik qarashlar taraqqiyotini tadqiq qilish muhim ahamiyat kasb etadi. Bu borada BMTning XXI asrda oliy ta’lim» butun jahon deklaratsiyasi, YUNESKOning ta’lim dasturlari, «YUNESKO: 2020 yil ufqlari» nomli BMTning ta’lim, fan va madaniyatga oid ma’ruzasi, YUNESKOning 2030 yilgacha xalqaro ta’lim konsepsiyasi va boshqa shu singari dasturlarda ilg‘or ma’naviy, ma’rifiy va pedagogik konsepsiyalar tadqiqini metodologik talqin qilish va ularni ta’lim tizimini takomillashtirish jarayoniga tadbiq etish masalalari belgilab berilganligini aytib o‘tish joiz.