Сурункали юрак етишмовчилигида COVID19 ўтказган беморлар буйраклари функционал захираси ҳамда интерлейкин-6 ва гемодинамика кўрсаткичларини баҳолаш.

Аннотация

Жаҳонда олиб борилаётган кўп сонли популяцион ва илмий тадқиқотлар натижаларига асосланган ҳолда ишонч билан айтиш мумкинки кардиоренал ўзгаришлар билан юрак қон-томир касалликлари, жумладан СЮЕ ўртасида мустаҳкам ўзаро боғлиқлик мавжуд. Бемордаги СЮЕ оқибатида қатор ҳолларда сурункали буйрак касаллиги (СБК) ривожланади ва улар бир-бирига кучайтирувчи таъсир кўрсатади. Натижада уларни шифохонага такрор ётишлари ва ўлимлар сони кескин кўпаяди ҳамда молиявий харажатлар ошади [Sardu С,Gambardella J, Morelli MB et al.2020]. СЮЕ ва СБК бирга келган ҳолларда Covid-19 инфекциясининг қўшилиши беморлар умумий аҳволига кескин салбий таъсир кўрсатади. Ушбу нуқтаи назардан СЮЕ негизида Covid-19 ўтказиб “клиник соғайган” беморларда муолажалардан олдин ва кейин буйрак ва юрак гемодинамик кўрсаткичларини ўзаро таъсирини, буйрак функционал ҳолатини ўрганиш беморлар ҳаёт сифатини яхшилашга қаратилган тадбирларни такомиллаштириш мазкур муаммога оид илмий тадқиқотларнинг долзарб масалаларидан бири ҳисобланади.