Турли локализацияли қон томирлари тромбозлари патогенезида фолат метаболизми ва гемостазнинг тромбоцитар халқа бузилишлари гендетерминантларининг ролини ўрганиш

Аннотация

Жаҳонда гемостаз тизимида бир қатор орттирилган ва генетик ўзгаришларга олиб келиши мумкин бўлган кўплаб бузилишлар билан кечадиган тромбофилияни ўрганишга қаратилган қатор илмий тадқиқотлар амалга оширилмоқда. Бу борада тромбофилияларнинг турли патогенетик шаклларини бир-биридан ажратиш, уларни ўз вақтида эрта аниқлаш, тўғри терапевтик тактикалар ва олдини олиш тадбирларни ишлаб чиқишни асослаш зарурияти юзага келмоқда. Турли тромбоэмболик касалликларнинг ривожланиши ва такрорланиши патогенезида тромбофилиянинг иштирок этиши, уни ҳар томонлама ўрганиш ва тромбоз ҳосил бўлишига олиб келадиган сабабларни аниқлаш бўйича илмий тадқиқотлар алоҳида аҳмият касб этмоқда.