UMUMTA’LIM MAKTABLARINING 7-9-SINF O‘QUVCHILARIDA MATN YARATISH KOMPETENSIYASINI SHAKLLANTIRISHNING INNOVATSION TEXNOLOGIYALARI

Аннотация

(falsafa doktori (PhD) dissertatsiyasi Jahon ta’lim tizimlari amaliyotida o‘quvchilarning xalqaro baholash dasturlari talabi asosida tayanch ta’limiy kompetensiyalarini rivojlantirishga bo‘lgan ehtiyoj ortmoqda. Shaxsni rivojlantirishga asoslangan ijtimoiy munosabatlarning yetakchi omili sifatida zarur kompetensiyalarni shakllantirish ta’limning istiqbolli yo‘nalishlaridan biri sifatida e’tirof etilmoqda. O‘quvchilarning lingvistik va metakognitiv kompetentligini qaror toptirish, o‘qish savodxonligi (matnni tushunish, foydalanish, mulohaza yuritish hamda munosabat bildirish) bo‘yicha ko‘nikmalarini mustahkamlash, matn yaratishda zarur bo‘ladigan turli strategiyalarni tinglash kabi masalalar Iqtisodiy hamkorlik va taraqqiyot tashkiloti (Organisation for Economic Co-operation and Development, OECD) ning PISA (The Programme for International Student Assessment) xalqaro dasturlarida keng ko‘lamda tadqiq etilmoqda. Mazkur muammoni umumiy o‘rta ta’limda fanlar integratsiyasi va o‘quvchilarning yozma nutq imkoniyatlariga ta’sir etuvchi omillar vositasida tadqiq etish dolzarb ahamiyat kasb etmoqda.