UMUMTA’LIM MAKTABLARIDA TEXNOLOGIK TA’LIMNI TASHKIL ETISH VA BOSHQARISH MEXANIZMLARINI TAKOMILLASHTIRISH METODIKASI

Аннотация

Dissertatsiya mavzusining dolzarbligi va zarurati. Jahon ta’lim tizimi amaliyotida ta’lim oluvchilarning texnologik tafakkuri va ijodkorlik qobiliyatlarini rivojlantirishga e’tibor kuchaymoqda. Mos ravishda mazkur an’ana innovatsion ta’lim muhitini yaratish va ta’lim oluvchilarda kreativ tafakkur tarzini qaror toptirishni taqozo qilmoqda. Ta’limni mamlakatlarning iqtisodiy taraqqiyot omili sifatida tahlil qiluvchi “Iqtisodiy hamkorlik va taraqqiyot tashkiloti” (Organisation for Economic Co-operation and Development, OECD) xalqaro baholash tadqiqotlarining (PISA – The Programme for International Student Assessment, PIRLS - Progress in International Reading Literacy Study, TALIS - Teaching and Learning International Survey, TIMSS - Trends in Mathematics and Science Study va boshqa) “Hayot uchun o‘qiydigan o‘quvchilarni tarbiyalash” g‘oyasi zamirida maktab ta’limining hayotiy ahamiyatini oshirish, o‘zlashtirilgan bilimlarning hayotiy vaziyatlarda to‘g‘ri qaror qabul qilishga xizmat qilishiga erishish va maktab ta’limi mazmunini hayotiylik tamoyili va integratsion yondashuvlar asosida takomillashtirish hamda uni ilmiy-pedagogik muammo sifatida tadqiq qilish dolzarb ahamiyat kasb etmoqda.