Samarqand viloyati misolida iqlim o‘zgarishiga qarshi adaptatsiya choralari va ularga ta’sir etuvchi omillarni iqtisodiy baholash

Аннотация

Havo haroratining doimiy ko‘tarilishi va qurg‘oqchiliklar iqlim o‘zgarishi ta’sirining kuchayishiga olib kelmoqda. Ushbu muammolar hozirgi kunda dolzarb hisoblanib, adaptatsiya choralarini joriy etish va salbiy ta’sirlarni kamaytirishga qaratilgan tadqiqot ishlari zaruratini kuchaytiradi. Shu bois mazkur tadqiqot ishida Samarqand viloyatining hududlari kesimida iqlim o‘zgarishiga qarshi adaptatsiya choralari va ularga ta’sir etuvchi omillar tahlilini o‘rganish maqsad qilindi. Tahlillar 275 ta sug‘oriladigan fermer xo‘jaliklari kesimida olingan keng qamrovli so‘rovnoma ma’lumotlari asosida Logistik regressiya modelidan foydalangan holda amalga oshirildi. Tadqiqot natijalariga ko‘ra, fermer xo‘jaliklari rahbarlarning ta’lim darajasi, iqlim o‘zgarishlari va suv resurslari tanqisligi bo‘yicha ma’lumoti hamda axborot-maslahat xizmatidan foydalanashi iqlim o‘zgarishlariga qarshi adaptatsiya choralarini qo‘llashiga ijobiy ta’sir qiluvchi omillar ekanligi, ammo yer maydoni yuzasi va klasterlarga a’zolik salbiy ta’sir etuvchi omillar ekanligi aniqlandi. Shu nuqtai nazardan, kelgusida agrar sohadagi islohotlar va tadqiqotlar ko‘proq yer va suv resurslari boshqaruvini kuchaytirishga hamda sohada axborot-maslahat xizmatlari hamda klasterlar faoliyatini takomillashtirshga qaratilishi tavsiya etiladi.