Yuqori sinf o`quvchilariga mumtoz musiqa haqida tushuncha berishda interfaol metodlardan foydalanishning nazariy asoslari

Аннотация

Umumta’lim maktablarida mumtoz namunalarni to‘laligicha o’rgatish, o‘quvchilar tomonidan ijro etish shartli vazifa qilib qo‘yilmaydi. Balki shunga erishish kerakki, o‘quvchi mumtoz musiqani mukammal ijod namunasi ekanligini bilsin, badiiy saviyasi past va yuqori istedod mahsuli bo‘lgan asarlarni farqiga borish, qo‘shiq, yalla, lapar yoki zamonaviy estrada qo‘shiqlariga nisbatan mumtoz musiqalarni ancha “jiddiy” ,“murakkab” shu bilan birga ijrochilikda ma’lum tajriba va mahorat, istedodni talab etishini his etish ko ’nikmalariga ega bo‘lishlarini taqazo etadi. Shuning uchun ham maktab musiqa darslarida tavsiya etilgan mumtoz namunalarni asosan tinglash, tahlil qilish, ijro uslublariga, har bir ijrochining mahorati, ovozni ishlatish, ohangdorlik, o‘ziga xos nola, qochirim kabi musiqiy bezaklarning o‘z o‘rnida qo‘llanishi, usullar (ritm)ga e’tiborlarini qaratish asosiy o‘rin tutadi