“DEUTSCHLAND UND UZBEKISTAN

Аннотация

Mustaqillik sharofati bois yurtimizda jamiyat hayotining istesnosiz barcha sohalarida tub o’zgarishlar sodir bo’ldi va bu jarayon muvaffaqiyatli ravishda davom etmoqda. Ilm-fan, madaniyat va iqtisodiy hayotdagi o’zgarishlar yangidan-yangi vazifalarni ko’ndalang qilib qo’ymoqda. Mamlakatimiz dunyoning rivojlangan davlatlari bilan bevosita hamkorlik qilish imkoniyatlariga ega bo’ldi. Chet ellar bilan to’g’ridan-to’g’ri hamkorlik qilish, boshqa sohalarda bo’layotgani kabi, ta’lim tizimi xodimlari oldiga ham dolzarb masalalarni hal etish vazifasini qo’ydi. Ayniqsa, chet tillarni o’rganishni yanada takomillashtirish, samaradorligini oshirish muammolari muhim ahamiyat kasb etmoqda. Bu muammolarning yechimi chet tillarni alohida va muqoyasa shaklida o’rganishni taqozo etadi. Qo’lingizdagi mazkur qo’llanma nemis tilini universitet, institut, kollej va litseylarda yanada chuqurroq o’rganish borasida dasturul amal bo’lib xizmat qiladi degan umiddamiz.