Mehnat migratsiyasi va uning iqtisodiy oqibatlari

Аннотация

Mehnat migratsiyasi zamonaviy global iqtisodiy jarayonlarning ajralmas qismi hisoblanadi. U mehnat resurslarining xalqaro miqyosda qayta taqsimlanishi, ishchi kuchi ortiqchaligi va yetishmovchiligi muammolarini yumshatishda muhim vosita sifatida namoyon bo‘ladi. O‘zbekiston misolida, mehnat migratsiyasi nafaqat tashqi bozorlarda ishchi kuchi ta’minotini kuchaytiradi, balki mamlakat iqtisodiyotiga ham sezilarli ta’sir ko‘rsatadi. Migrantlar yuboradigan pul o‘tkazmalari mamlakat yalpi ichki mahsulotining muayyan qismini tashkil etadi, ijtimoiy farovonlikni oshiradi va aholining iste’mol salohiyatini kengaytiradi. Shu bilan birga, mehnat migratsiyasi malakali ishchi kuchining chiqib ketishi, ichki mehnat bozorida kadrlar tanqisligini kuchaytirishi va ijtimoiy tengsizlikni chuqurlashtirishi mumkin. Mazkur tadqiqotda mehnat migratsiyasining iqtisodiy oqibatlari, uning ijobiy va salbiy jihatlari, shuningdek, milliy iqtisodiyotni barqaror rivojlantirishdagi o‘rni tahlil qilinadi.