TIJORAT BANKLARINING KREDIT PORTFELIDAGI MUAMMOLI KREDITLARNI KAMAYTIRISH YO‘LLARI (“O‘ZSANOATQURILISHBANK” ATB MISOLIDA)

Аннотация

Tijorat banklarining faoliyatida kredit portfeli asosiy moliyaviy ko‘rsatkichlardan biri hisoblanadi. Kreditlash bank uchun daromad manbai bo‘lishi bilan birga, yuqori xavf darajasini ham o‘z ichiga oladi. Ayniqsa, muammoli kreditlar (ya’ni, to‘lov muddati o‘tgan, shubhali yoki umidsiz kreditlar) bank likvidligi va barqarorligiga salbiy ta’sir ko‘rsatadi. Ushbu maqolada “O‘zsanoatqurilishbank” ATB misolida muammoli kreditlarning holati tahlil qilinadi va ularni kamaytirish bo‘yicha amaliy takliflar beriladi. Muammoli kreditlarning aniq ta’riflanishi va ularning toifalarga bo‘linishi bo‘yicha asosiy normativ hujjat bu O‘zbekiston Respublikasi Markaziy bankining 2023-yil 22-fevraldagi 91-sonli qarori bilan tasdiqlangan “Bank aktivlarini tasniflash va ehtimoliy yo‘qotishlarni qoplash tartibi to‘g‘risida nizom” hisoblanadi. Ushbu hujjatga ko‘ra, barcha kreditlar xavf darajasiga qarab besh toifaga ajratiladi: standart, past xavfli, o‘rtacha xavfli, yuqori xavfli va umidsiz kreditlar. Aynan oxirgi uch toifa kreditlar muammoli deb qaraladi.