Umurtqa kanali bo’yin sohasi ikkilamchi stenozlarining zamonaviy diagnostikasi va davolash usullari

Аннотация

Umurtqa kanali bo‘yin sohasining ikkilamchi stenoziga olib keluvchi omillar sifatida – umurtqalardagi degenerativ-distrofik jarayonlar (85% gacha holatlarda), travmatik shikastlanishlar (55%), onkologik kasalliklar (70%), tug‘ma rivojlanish nuqsonlari (80%) va boshqa sabablar farqlanadi. Eng ko‘p uchraydigan klinik simptomlar (bosh og‘rishi, bosh aylanishi, ko‘ngil aynishi) 75% hollarda bo‘yin umurtqalari strukturalarining anatomik va fiziologik buzilishi natijasida kelib chiqadi. Umurtqa pog‘onasi va orqa miyaning travmalari neyroxirurgiya, travmatologiya va neyroreabilitatsiyaning eng dolzarb muammolaridan biri hisoblanadi va bu orqa miyaning zararlanishi bilan bemorlarning o‘z-o‘zlariga xizmat qila olishi, chanoq a’zolari faoliyatini boshqarishi bilan bog‘liq qo‘pol funksional buzilishlar, yuqori nogironlik ko‘rsatkichlari, bemorlarning ijtimoiy va ruhiy moslashishi murakkabligi bilan bog‘liq ko‘plab asoratlar bilan izohlanadi.