Йордамчи тарихий фанлар

Аннотация

Yordamchi tarixiy fanlar nomi ostida birlashtiriladigan ilmiy va amaliy sohalarning tarix fani uchun muhim ahamiyati ma'lum. Tarixiy voqelik ij- timoiy, iqtisodiy, madaniy, ma'naviy, ilmiy, texnik taraqqiyot masalalarini qamrab olar ekan, bular bilan bog'liq aniq ma'lumotlar zahirasi, ya'ni ta- rixning faktologik bazasi yordamchi tarix ilmiy sohalar bo'yicha birlamchi tadqiqotlar hosilasidir. Masalan, tarixiy voqelik makon bilan bog'liqligi qonuniyat. Shunday ekan, bu masala tarixiy geografiya ma'lumotlariga tayanadi. O'z navbatida tarixiy geografiya manbashunoslik bilan uzviy bogʻliq ish ko'radi. Yoki, tarixiy voqea vaqt chizig'ining muayan nuqtasi- ga joylashadi. Buni aniqlash uchun tarixchi vaqt hisobi, uning turli usul- lari, hisob uchun qabul qilingan shartlar haqida ma'lumotga ega boʻlishi kerak. Zero, vaqt hisobi masalasida jahon xalqlari turli davrlarda turlicha yo'l tutganlar. Oy va quyoshning yillik harakati zaminida paydo boʻlgan vaqt hisoblari o'zaro yaqin tuyulgani bilan astronomik vaqtga nisbatan hi- soblar xilma-xilligi, kabisa yilni belgilash tartibi va boshqalarda oʻzaro farqli jihatlari mavjud. Bu hol har bir sanani aniqlashda hisob usuli shart- laridan kelib chiqishni taqozo etadi.