QORAQALPOG’ISTONDA YAYLOV CHORVACHILIGINING TARKIBIY RIVOJLANISHI VA HUDUDIY XUSUSIYATLARI

Аннотация

O‘zbekiston Respublikasining shimoli-g‘arbiy qismida joylashgan Qoraqalpog‘iston Respublikasi o‘zining keng yaylov yerlari, cho‘l hududlari va yarim cho‘l iqlimi bilan ajralib turadi. Ushbu geografik omillar mintaqada asosan yaylov chorvachiligining rivojlanishiga imkon yaratgan. Yaylov chorvachiligi - bu asosan tabiiy yaylovlarda chorva mollarini boqish orqali mahsulot olishga asoslangan iqtisodiy faoliyat bo‘lib, Qoraqalpog‘iston hududining tabiiy resurslari aynan shunday faoliyatga mos keladi. Ushbu maqolada Qoraqalpog‘iston Respublikasida yaylov chorvachiligining tarkibiy rivojlanishi, uning asosiy ixtisoslashuv yo‘nalishlari va hududiy xususiyatlari , tarkibiy o‘zgarishlari, hamda muammolar va istiqbolli rivojlanish yo‘llari atroflicha tahlil qilinadi.