Болаларда дисметаболик нефропатия: ташхислаш ва даволаш

Аннотация

Дисметаболик нефропатия ёки метаболик нефропатия синдроми замонавий педиатриянинг долзарб ва мунозарали муаммоларидан бири бўлиб ҳисобланади. Дисметаболик нефропатиялар моддалар алмашинувининг бузилиши билан боғлиқ бўлиб, касалликларнинг ушбу гурухи болаларда кўп учрайди. Мактабгача ёшда бўлган болаларнинг 31,4 % да оксалат-фосфат-кальцийли кристаллурия кузатилади. Уратли нефропатия сийдик-тош касаллиги билан оғриган 1,3-7,6% болаларда нефроуролитиаз шаклланишининг сабабчиси бўлиб ҳисобланади. Ушбу мақоланинг мақсади болаларда дисметаболик нефропатияларни ташхислаш, даволаш, шунингдек, олдини олиш стратегиясини кўриб чиқишдан иборат. Клиник жиҳатдан, дисметаболик нефропатияларнинг болаларда намоён бўлиши мураккабдир. 5 ёшгача бўлган болаларда специфик белгилар кузатилмайди. Сийдикни текшириш ва даволашнинг тегишли усулларидан фойдаланган ҳолда эрта ташхис қўйиш буйрак шикастланиши ва касалликнинг такрорланишини олдини олиш учун муҳимдир