OLIY TA’LIM MUASSASALARI FAOLIYATINI TASHKIL ETISH VA BOSHQARISH JARAYONLARIGA AKADEMIK MUCTAQILLIK PRINSIPLARINI JORIY ETISH ISTIQBOLLARI (RIVOJLANGAN DAVLATLAR TAJRIBASI MISOLIDA)

Аннотация

Jaxonda inson kapitaliga e’tibor kuchayib, oliy ta’lim muassasalarida ta’lim sifatini oshirish bo‘yicha qator islohotlar amalga oshirilmoqda. Oliy ta’lim sohasidagi islohotlar aynan OTMlarning yangi ijtimoiy-siyosiy va iqtisodiy o‘zgarishlarga moslashishini, boshqaruv tuzilmasini o‘zgartirish asosida yangicha faoliyat yuritish sharoitiga o‘tishni talab qilmqoda. Bugungi kunda rivojlangan davlatlarning ta’lim tizimida avtoritar va ma’muriy-byurokratik boshqaruv modelidan voz kechgan holda korporativ boshqaruv usuli keng yoyilmoqda[174]. Dunyoning ilg‘or xalqaro oliy ta’lim muassasalarida olib borilayotgan islohotlarda belgilangan maqsadlarga boshqaruv tizimini isloh qilmasdan, ilg‘or boshqaruv usullaridan biri bo‘lgan akademik mustaqillik tamoyillarini joriy etmasdan erishib bo‘lmasligi ma’lum bo‘lmoqda. Shu bois xalqaro ta’lim maydonida oliy ta’lim boshqaruviga institutsional avtonomiya modelini joriy etish asosida akademik mustaqillikka erishish, ta’lim sifatini oshirish, yuqori salohiyatli kadrlarni tayyorlash tizimini yaratish ustuvor vazifa sifatida belgilanmoqda.