ИХТИСОСЛАШТИРИЛГАН ДАВЛАТ УМУМТАЪЛИМ МУАССАСАЛАРИДА ТАЪЛИМ-ТАРБИЯ ЖАРАЁНИНИ ТАШКИЛ ЭТИШНИНГ ПЕДАГОГИК ХУСУСИЯТЛАРИ

Аннотация

Дунё таълим тизимида алоҳида эҳтиёжли болаларни ижтимоийлаштириш билан боғлиқ инновацион ёндашувлар коррекцион ва инклюзив таълим амалиётига мақсадли ҳамда манзилли равишда жорий этишга устуворлик берилган. Бу соҳада илғор анъаналарнинг пайдо бўлиши имконияти чекланган ўқувчилар учун мўлжалланган таълим-тарбия жараёнини инновацион ёндашувлар воситасида такомиллаштиришни ҳаётий заруратга айлантирмоқда. Бирлашган Миллатлар Ташкилоти, ЮНИСЕФ ва Бутун жаҳон банки ҳамкорлигида қабул қилинган Таълим-2030. Инчхон декларацияси” (“Education 2030. Incheon Declaration”) ва “Инклюзив мактаб – махсус таълимга муҳтож болалар” (“Inclusive Schooling – Children with Special Educational Needs”) (Буюк Британия, 2001) каби халқаро ҳужжатларда белгиланган очиқ таълим муҳитини яратиш ва таълимни уйғунлаштириш механизмларини такомиллаштиришга алоҳида эътибор қаратилмоқда.