ЎЗБЕКИСТОН РЕСПУБЛИКАСИНИНГ ЖИНОЯТ ҲУҚУҚИ Умумий қисм

Аннотация

Жиноят ҳуқуқи - мустакил хукук соҳаси бўлиб, Ўзбекистон Республикаси ҳуқуқий тизимининг ажралмас қисмидир. Жиноят ҳуқуқи, ҳуқуқ тизимини ташкил қилувчи бошқа соҳалар - конституциявий, фуқаровий, маъмурий, жиноят-ижроия ва шу кабилар билан биргаликда жамиятда шаклланган ижтимоий муносабатларни тартибга солишга мўлжалланган. Шу билан биргаликда бошқа ҳуқуқ соҳаларидан фарқли равишда, жиноят ҳуқуқи ўзининг бу вазифасини ўзига хос тарзда бажаради: энг муҳим ва аҳамиятли ижтимоий муносабатларни махсус усул ва воситалар билан қўриқлайди, шу билан уларнинг нормал фаолият кўрсатишини таъминлайди, мақсадларга муваффақиятли эришиш учун зарур бўлган шароитларни яратади, жамият ижтимоий ҳаётининг барча асосий соҳаларида ижтимоий, иқтисодий, сиёсий, маънавий ва бошқа йўналишларда кенг қамровли ислоҳотларни амалга оширишдаги бирламчи вазифаларни бажаради.