ISH JOYLARINI KOMPYUTERLASHTIRISH

Аннотация

O'quv qo'llanmada avtomatlashtirilgan ish joylari, turlari va unga qo'yiladigan talablar tahlil etilgan. Axborotlashtirishning umumiy masalalari ko'rib chiqilgan boblarda avtomatlashtirilgan axborot texnologiyalari, tizimlar tushunchasi va ularning klassifikatsiyasi bayon etilgan. Ularda iqtisodchi-foydalanuvchilar ehtiyojini hisobga olib, kompyuter tarmoqlarida ishlashda tizim va texnologiyalarning kerakli ta'minot turlarini, telekommunikatsiya vositalarini qoʻllashga alohida e'tibor berilgan. O'quv qo'llanma axborot texnologiyalarining statistika, buxgalteriya hisobi, bank, birja, marketing, soliq, sug'urta faoliyatida ishlatilishi hamda huquqiy-axborot tizimlari va axborot xavfsizligi muammolarini tadqiq etishga qaratilgan. Mazkur qo'llanmaning maqsadi - boʻlgʻusi iqtisodchilarga ish joylarini kompleks avtomatlashtirish uchun lozim boʻlgan barcha texnologik ta'minot toʻgʻrisida bilimlar berishdir.