O’ZBEKISTONDA DEMOKRATIK JAMIYAT QURISH NAZARIYASI VA AMALIYOTI» FANI BO’YICHA

Аннотация

Mustaqilligimizni qo’lga kiritganimizdan keyingi o’tgan qisqa vaqt ichida respublikamizda demokratik adolatli va huquqiy davlatchilikni shakllantirish, xalqimizning farovonligini oshirish, uning ma’naviy ruhiy tiklanishi uchun zarur bo’lgan barcha shart-sharoitlar yaratilmoqda. Jumladan, taraqqiyotimizning huquqiy asoslari yaratildi, bozor munosabatlarini shakllantirish uchun zarur bo’lgan barcha shart-sharoitlar vujudga keltirildi, ajdodlarimizdan qolgan barcha moddiy va ma’naviy boyliklar xalqimizning o’ziga qaytarilmoqda, milliy urfodatlar, an’analar, qadriyatlar tiklanmoqda. Millatimizning o’zligini anglash jarayonlari jadal rivojlanmoqda. Bularning hammasi mamlakatimizning halqaro miqiyosda obro’-e’tiborining oshishiga va millatimizning jahon sivilizasiyasidagi munosib o’rnini qayta tiklashga ijobiy ta’sirini ko’rsatmoqda.