O'ZBEKISTONDA QISHLOQ XO'JALIGINI DAVLAT TOMONIDAN MOLIYAVIY QO'LLAB-QUVVATLASH: MUAMMO VA ECHIMLAR

Аннотация

Qishloq xo’jaligini tartibga solish hamda moliyaviy qo’llab-quvvatlashning eng maqbul va samarali uslubiyotini joriy etish har bir mamlakat oldida turgan muhim vazifalardan biri hisoblanadi. Bu yo’lda to’g’ri tanlangan uslubiyot esa, birinchi navbatda xo’jaliklarning moliyaviy natijalariga ijobiy burilish yasab, ularning barqaror rivojlanishi uchun tayanch bo’ladi. Qolaversa, qishloq xo’jaligi bozorida barqarorlikni mustahkamlagan holda iste’molchilar manfaatlariga ham xizmat qiladi. Shu bois, ushbu maqolada O’zbekiston qishloq xo’jaligini rivojlantirishning moliyaviy jihatlari, bu boradagi mavjud muammolar va ularning echimlari xususida gap boradi.