Нейроэндокринология бўйича клиник тавсиялар

Аннотация

Акромегалия (ХКТ коди – Е22.0) – бу тугалланган физиологик ўсиш мавжуд шахсларда ўсиш гормонининг (соматотропин, СТГ) сурункали гиперпродукцияси оқибатида келиб чиқувчи оғир нейроэндокрин касаллик бўлиб, суяк, тоғай, юмшоқ тўқималар, ички аъзоларнинг патологик диспропорционал периостал ўсиши билан, ҳамда юрак-қон томир, нафас тизимлари, периферик эндокрин безлар морфофункционал ҳолатининг бузилиши билан тавсифланади (1-расм). Кўпинча акромегалия билан 20-40 ёш ўртасида, баъзан у 50 ёшдан катта ёшлиларда ҳам кузатилиши мумкин. Агар касаллик эпифиз оссификацияси рўй бермаган вақтда – болаликда ёки ўсмирлик ёшида юзага келса, скелет суякларини пропорционал узунлиги бўйича ўсишига олиб келади, бу эса беморни сезиларли даражада буйига ўсиши билан кечади. Бундай турдаги клиник синдром гигантизм деб номланади. Агар ушбу тоифадаги беморлар ўз вақтида ва адекват даво муолажаларини олмасалар, унда пубертат даврдан сўнг уларда гигантизм билан бир қаторда акромегалиянинг ҳам ўзига хос белгилари ривожланади.