Аёллардаги бепуштликда гиперандрогениянинг генетик аспектлари ва унинг ҳомиладорлик кечишига таъсири

Аннотация

Ҳомиладорлик асоратлари, неонатал патологияларга олиб келувчи факторлар орасида эндокрин бузилишлар орасида гиперандрогения асосий сабаблардан бўлиб қолмоқда. Тадқиқот мақсади: Гиперандрогенияси бор аёлларда акушерлик ва перинатал асоратларни камайтириш мақсадида прегравидар тайёргарлик самарадорлигини ўрганиш. Тадқиқот материаллари: Илмий иш 2019-2022 йиллар мобайнида Тошкент тиббиёт академияси Урганч филиали “Акушерлик ва гинекология“ кафедраси клиник базаси бўлган Хоразм вилояти Перинатал марказида амалга оширилди. Илмий ишга қўйилган мақсадни амалга ошириш учун, марказга мурожаат қилган 64 аёл кузатилди. Хулоса: Гиперандрогения фонидаги ҳомиладорлик I ва II триместрда ҳомила тушиш хавфи билан, III триместрда эса ҳомила эрта тугʼилиш хавфи билан кечиб, вирус ва бактерияли касалликлар манифестацияси ва ҳомиладорлар гипертензиясига олиб келиши мумкин.