Чап томонлама ўткир йўғон ичак тутилишида хирургик даволаш ва реабилитация натижаларини яхшилаш йўллари

Аннотация

Тиббиёт фани ривожланишининг ҳозирги босқичи йўғон ичакнинг бир қатор яхши ва ёмон сифатли патологияларининг ўсиши билан тавсифланади, бунда касалланиш йилига 2 миллионга яқин холатларни ва ўлим даражаси 25-30% ни ташкил қилади. Ушбу тоифадаги беморларни даволаш асосан касалликнинг босқичи билан белгиланади, бу эса ташрихдан кейинги ўлимнинг юқори даражаси (40% гача) билан тавсифланувчи йўғон ичак анастомози чокларининг етишмовчилиги (ЙИЧЕ) (8-20%), иккиламчи йирингли-септик жараёнлар (3- 25%) ва перитонит (6-22%) каби ташрихдан кейинги асоратларни олдини олишда кенг қамровли диагностика ва хирургик стратегиянинг муҳимлигини таъкидлайди. Хатто предикторларни ўрганиш ва ташрихдан кейинги натижаларни башорат қилишдаги эришилган ютуқларга қарамай, ЙИЧЕ частотаси айниқса шошилинч жарроҳликда юқори бўлиб қолмоқда, бу анастомознинг жойлашишига боғлиқ холда, турли хил умумий ва маҳаллий олиб келувчи омиллар таъсири бўлиши мумкин.