Кексалардаги ишемик инсульт клиникаси ва терапиясидаги гендер кўрсаткичлари

Аннотация

Дунёда узоқ йиллар давомида соғлиқни сақлаш сохасида инсульт касаллиги мухим тиббий-ижтимоий муаммо бўлиб қолмокда. ЖССТ маълумотларига кўра «...дунё буйича 2030 йилга келиб инсульт сабабли ўлим холатларининг ўсиши, ушбу эпидемия билан курашиш бўйича фаол глобал чоралар курилмаса, 7,8 миллионга етиши маълум килинмокда...». Касалликнинг дастлабки соатларидан бошлаб инсультнинг кечиши ва якун топиш башорат қилиш, инсультнинг ўткир даврида бошланиши зарур бўлган медикаментоз давонинг айнан уз вақтида ва адекват тайинланиши, шунингдек зарурий кўп тармокди реабилитация ўтказилишига боғлиқ булади. Кекса танада айнан ёшга боғлиқ ўзгаришлар жараёнида бирга кечувчи ва касалликнинг типик клиник манзарасини маълум бир даражада ўзгаришига олиб келувчи соматик патологиялар мавжуд бўладики, булар эса ўз навбатида алохида ташхисот усуллар ва уларнинг натижаларини шархлашни талаб этади. Популяцияда бош мия кон томир касалликлари билан боғлиқ фаолиятларнинг бузилиши, касбий, жамоат ва маиший сохаларда юзага келувчи энг долзарб тиббий-ижтимоий муаммолардан бири бўлиб хисобланади.