Маҳаллий хомашёлар асосида таркибида кремний бўлган ноорганик ва органик бирикмалар олиш технологиясини ишлаб чиқиш

Аннотация

Ҳозирги кунда дунёда элементорганик бирикмалар, хусусан, кремний тутган ноорганик ва органик бирикмалар арзон хомашё сифатида қурилиш, автомобилсозлик, авиация, тиббиёт, экология, фармакология, озиқ-овқат, енгил саноат каби кўплаб соҳаларда ишлатилади, шунингдек, юқори босим ва ҳароратда ишлайдиган гидравлик қурилмаларда комплекс хусусиятларга эга бўлган қимматбаҳо материаллар сифатида муҳим аҳамият касб этади.Кремний органик бирикмалар сув ва иссиқлик таъсирига чидамли материаллар олишда модификатор сифатида қўлланилганда, уларнинг мустаҳкамлигини, турли агрессив муҳитларга чидамлилигини оширади, органик ва ноорганик таркибий қисмларнинг ўзаро мустаҳкам боғланишига хизмат қилади.