Кичик бизнес субъектлари фаолиятини молиялаштириш механизмини такомиллаштириш (Қорақалпоғистон Республикаси мисолида)

Аннотация

Жаҳонда кичик бизнес субъектларини молиялаштиришда давлат томонидан тақдим этилувчи имтиёзли кредитлаш, субсидиялаш, солиқ ва амортизация дастурлари ҳамда кичик бизнес соҳасига йўналтирилаётган бюджет маблағларидан фойдаланиш самарадорлигини оширишни тадқиқ этишга алоҳида эътибор қаратилмоқда. Молиялаштириш воситаларини диверсификациялаш, субсидия, дотация, кредит кўринишидаги бевосита молиявий ёрдам кўрсатиш, тижорат банклари кредитлари бўйича кафолатлар бериш, қўллаб-қувватлашда иштирок этган молиявий ташкилотларни компенсациялаш билан бир қаторда билвосита молиявий ёрдам бериш, кичик корхоналарни имтиёзли солиққа тортиш ва солиққа тортишнинг соддалаштирилган тизимини қўллаш, жадаллаштирилган амортизациянинг оптимал меъёрларини белгилаш, кичик бизнес фаолиятида лизинг тизимидан самарали фойдаланиш кабилар муҳим тадқиқот йўналишларидан ҳисобланади.