Ўзбекистон флорасидаги scutellaria L. туркумига мансуб ўсимликларнинг флавоноидлари ва қутбсиз бирикмалари ҳамда улар асосида самарали дори воситаларини яратишнинг истиқболлари

Аннотация

Ҳозирги кунда доривор ўсимликлар жаҳон амалиётида самарали дори воситалари яратиш алмаштириб бўлмайдиган ўзгармас манбалари бўлиб қолмоқда ва бу фармацевтика амалиётида муҳим ўрин тутади. Ўсимликлардан олинган дори воситалари инсон организмига ҳар томонлама комплекс таъсир кўрсатиши билан бирга, синтетик дори воситаларига нисбатан ножўя таъсирлари камроқ ва деярли зарарсиз ҳисобланади. Шунинг учун қимматбаҳо дори воситалари манбалари ҳисобланган доривор ўсимликларнинг янги турларини излаш, уларнинг биологик фаол моддаларини ажратиб олиш, кимёвий тузилишини аниқлаш, физик кимёвий ҳоссаларини ўрганиш ҳамда улар асосида самарали дори воситаларини яратиш замонавий биоорганик кимё, фитокимё ва тиббиёт олдида турган долзарб вазифалардан ҳисобланади.