Носпецифик яллиғланишга қарши дори воситаларини қабул қилиш натижасида келиб чиққан гастропатияларда антисекретор дориларни танлашга клиник фармакологик ёндашув

Аннотация

Текширув мақсади: НЯҚД-гастропатияни даволашда қўлланиладиган антисекретор дориларнинг фармакодинамикаси ва фармакокинетикасига асосланган ҳолда оптимал дори танлаш. Асосий қисм: НЯҚД-гастропатиясини даволашда қўлланиладиган дорилар қиёсий ўрганилганда ППИнинг самарадорлиги бошка гурухдагиларга қараганда юқори эканлиги аниқланган. ППИлар орасида ионизация константаси (рКа) рабепразолда энг юқоридир – 4,8 (5 минутда 80 % помпаларни (in vitro) ингибирлайди). Шунингдек муцин секрециясини ҳам бошқа ППИларга қараганда кўпрок стимуллайди (8 хафта давомида 5 мартадан зиёд). Пантопразол энг узоқ таъсир этиб, секрециянинг қайта тикланиши 46 соатдан кейин кузатилган. CYP2C19га энг кам ингибирловчи таъсир пантопразол ва рабепразолда аниқланган. ППИларини нисбатан хавфсизлиги аникланган (салбий таъсирлари 3 %дан ошмаган). Хулоса: НЯҚД-гастропатиясини даволашда ва олдини олишда ППИларидан рабепразол ва пантопразоллар бошқа ППИларига қараганда бир қанча устунликларга эгадир, яъни рабепразол ва пантопразол ошқозон секрециясини кун давомида камайтириб туриш учун етарлича давомийликка эга эканлиги, рабепразолнинг антисекретор таъсирининг тез бошланиши, муцин секрециясини ошириши, рабепразол ва пантопразолнинг жигар ферментларига (цитохром 450) жуда кам таъсир этиши ревматик касалликларни даволашда қўлланиладиган НЯҚДларнинг кўпчилиги билан бирга қўлланилганда, уларнинг жигардаги метаболизмига таъсир этмаслиги фикримизнинг далили булади